გაერთიანებული ერების განათლების, მეცნიერებისა და კულტურის ორგანიზაცია იუნესკო (UNESCO) აცხადებს ფოტოკონკურსს „ახალგაზრდების თვალით დანახული აბრეშუმის გზა.“ კონკურსის მთავარი თემატიკა რწმენა და სულიერებაა.
მონაწილეობის მიღება შესაძლებელია 14-25 წლამდე ახალგაზრდებისთვის, ორ ასაკობრივ კატეგორიად: 14-დან 17 წლამდე და 18-დან 25 წლამდე. შემრჩევი კომისიის წევრები შეისწავლიან ფოტო ნამუშევრებს და გამოავლენენ გამარჯვებულებს თითოეული კატეგორიიდან (3-3 გამარჯვებული ). პირველ ადგილზე გასული გამარჯვებულები საჩუქრად მიიღებენ პროფესიონალურ ფოტოაპარატს, ხოლო მეორეზე, ნახევრად პროფესიონალურ ფოტოაპარატს, რაც შეეხება მესამე ადგილის მფლობელებს, მათ სამოყვარულო ციფრული ფოტო აპარატი გადაეცემათ. ასევე, შერჩეული 60 ფოტო ნამუშევრებისგან შედგება მოძრავი გამოფენა და გამოიცემა ფოტოალბომი.
ფოტონამუშევრების წარდგენის ბოლო ვადაა 2022 წლის 17 ივლისი.
დეტალური ინფორმაცია კონკურსის შესახებ განთავსებულია UNESCO-ს შემდეგ ბმულზე: