სარკინიგზო ტრანსპორტის კოლეჯი გუანჯოუს პროფესიული განათლების ყოველწლიურ კონფერენციაზე „სარტყელი და გზა

 სარკინიგზო ტრანსპორტის კოლეჯი მიწვეულ იქნა გუანჯოუს პროვინციის პროფესიული განათლების ყოველწლიურ კონფერენციაზე „სარტყელი და გზა", სადაც მსოფლიოს სხვადასხვა ქვეყნის ექსპერტებთან, განათლების სფეროს წარმომადგენლებთან და ინდუსტრიის პროფესიონალებთან ერთად განხილულ იქნა ჩინეთის საგანმანათლებლო გამოცდილება, ინდუსტრიისა და განათლების ინტეგრაციის საკითხები და საერთაშორისო თანამშრომლობის პერსპექტივები.

  ღონისძიებაზე კოლეჯი საზოგადოების ურთიერთობის მენეჯერმა- თამარ ფირცხალავამ წარადგინა.  კონფერენციის ფარგლებში კოლეჯმა გააფორმა მემორანდუმი და გახდა გუანჯოუს პროვინციის „სარტყელი და გზა" პროფესიული განათლების ალიანსის (GDBRVEA) პარტნიორი. ეს თანამშრომლობა ხელს შეუწყობს როგორც პროფესიული განათლების სფეროში გამოცდილების გაზიარებას, ისე ერთობლივი საგანმანათლებლო პროექტების განხორციელებით საერთაშორისო სტანდარტების განვითარებას.

 პარტნიორობის ფარგლებში დაგეგმილია სტუდენტებისა და პედაგოგების გაცვლითი პროგრამები, ერთობლივი ტრენინგები და სასწავლო კურსები. ეს თანამშრომლობა ჩვენს სტუდენტებს მისცემს უნიკალურ შესაძლებლობას, გაეცნონ ჩინეთის პროფესიული განათლების სისტემას და მიიღონ საერთაშორისო გამოცდილება.