ა(ა)იპ
სარკინიგზო ტრანსპორტის კოლეჯი შეუერთდა დაუნის სინდრომის საერთაშორისო დღის აღნიშვნას,
რომლის ფარგლებშიც ჩატარდა საინფორმაციო შეხვედრა.
შეხვედრა მიზნად ისახავდა პროფესიული სტუდენტების, პედაგოგიური
პერსონალისა და ადმინისტრაციის წევრების ცნობიერების ამაღლებას დაუნის სინდრომის მქონე
პირთა საჭიროებებისა და შესაძლებლობების შესახებ.
ღონისძიების
ფარგლებში, საქართველოს დაუნის სინდრომის ასოციაციის წარმომადგენელმა, ქალბატონმა რუსუდან
მღებრიშვილმა, წარმოადგინა პრეზენტაცია, სადაც
ისაუბრა დაუნის სინდრომის მქონე პირთა ინკლუზიის მნიშვნელობაზე საგანმანათლებლო და
სამუშაო გარემოში. პრეზენტაციას მოჰყვა აქტიური დისკუსია.
სარკინიგზო
ტრანსპორტის კოლეჯი განაგრძობს მსგავსი ინიციატივების მხარდაჭერას და ინკლუზიური გარემოს
შექმნას, სადაც ყველა ადამიანს ეძლევა განვითარებისა და წარმატების თანაბარი შესაძლებლობა.