პროფესიული საგანმანათლებლო დაწესებულებების დირექტორთა საბჭოს სხდომა

 საქართველოს განათლების, მეცნიერებისა და ახალგაზრდობის მინისტრის გივი მიქანაძის ხელმძღვანელობით, რუსთავში, კოლეჯ „მოდუსში" პროფესიული საგანმანათლებლო დაწესებულებების დირექტორთა საბჭოს სხდომა ჩატარდა.

 მინისტრმა დამსწრეებს გააცნო უმაღლესი განათლების ფუნდამენტური რეფორმის ძირითადი მიმართულებები და ხაზი გაუსვა რეფორმის განხორციელების პარალელურად პროფესიული განათლების გაძლიერებისა და განვითარების ხელშეწყობის მნიშვნელობას.

 ასევე, სხდომაზე განხილულ იქნა ისეთი მნიშვნელოვანი საკითხები, როგორებიცაა: კოლეჯების დაფინანსება ინფრასტრუქტურის გაუმჯობესებისთვის და ⁠ინსტიტუციური განვითარებისთვის საჭირო რესურსების უზრუნველყოფა.

 სხდომას ესწრებოდნენ საქართველოს განათლების, მეცნიერებისა და ახალგაზრდობის მინისტრის მოადგილე ბაია კვიციანი, სამინისტროს წარმომადგენლები და კოლეჯების ხელმძღვანელები.

 მინისტრის გადაწყვეტილებით, საბჭოს სხდომა რეგულარულად იმართება და თითოეულ შეხვედრაზე წევრები ეტაპობრივად განიხილავენ ყველა იმ ინიციატივას, რომელიც პროფესიული განათლების სისტემის გაძლიერებას, სტუდენტების შესაძლებლობების გაფართოებას და ქვეყნის ეკონომიკურ განვითარებას ემსახურება.